ന്യൂഡൽഹി : അഖിലേന്ത്യാ മെഡിക്കൽ പ്രവേശനത്തിനുള്ള നീറ്റ് പി.ജി. പരീക്ഷ (2022) മേയ് 21-ന് നടക്കുമെന്ന് ദേശീയ പരീക്ഷാബോർഡ് അറിയിച്ചു. രാവിലെ ഒമ്പതുമുതൽ 12.30 വരെയാണ് പരീക്ഷ. ഓൺലൈൻ അപേക്ഷ സമർപ്പിക്കാനുള്ള സമയം മാർച്ച് 25-ന് രാത്രി 11.55 വരെയാക്കി പുനഃക്രമീകരിച്ചു. നീറ്റ് പി.ജി കൗൺസിലിങ് നടക്കുന്നതിനാൽ പരീക്ഷ മാറ്റിവെക്കണമെന്ന ആരോഗ്യമന്ത്രാലയത്തിന്റെ നിർദേശം പരിഗണിച്ചാണ് മാറ്റിയത്. ഇതുമായി ബന്ധപ്പെട്ട കേസ് തിങ്കളാഴ്ച സുപ്രീംകോടതി പരിഗണിക്കുന്നുണ്ട്.
