തിരുവനന്തപുരം: 69ാമത് നെഹ്രു ട്രോഫി ജലമേളയിലെ വിജയികള്‍ക്ക് ആശംസകളുമായി മുഖ്യമന്ത്രി പിണറായി വിജയന്‍. ഫേസ്ബുക്കിലൂടെയാണ് മുഖ്യമന്ത്രി ജലമേളയിലെ വിജയികള്‍ക്ക് ആശംസകള്‍ നേര്‍ന്നത്. ജലമേള ഉദ്ഘാടനം ചെയ്യുന്നതിനായി പിണറായി വിജയനയായിരുന്നു സിശ്ചയിച്ചിരുന്നത്. എന്നാല്‍ മോശം കാലാവസ്ഥയെ തുടര്‍ന്ന് മുഖ്യമന്ത്രി സഞ്ചരിച്ച ഹെലികോപ്റ്ററിന് ഇറങ്ങാനായില്ല. തുടര്‍ന്ന് മന്ത്രി സജി ചെറിയാനാണ് ഉദ്ഘാടനം നിര്‍വഹിച്ചത്.
19 ചുണ്ടന് വള്ളങ്ങള്‍ ഉള്‍പ്പെടെ എഴുപത്തിരണ്ട് കളിവള്ളങ്ങളാണ് ഇത്തവണ പങ്കെടുത്തത്. ഇതില്‍ പള്ളത്തുരുത്തി ബോട്ട് ക്ലബ് തുഴഞ്ഞ വീയപുരം ചുണ്ടന്. 4.21 സെക്കന്‍ഡില്‍ വീയപുരം ചുണ്ടന് കന്നിക്കപ്പ് നേടിയപ്പോള്‍ പള്ളാത്തുരുത്തി ബോട്ട് ക്ലബിന് നെഹ്രുട്രോഫിയില്‍ തുടര്‍ച്ചയായ നാലാമത്തെ വിജയമാണിത്. അത്യന്തം ആവേശകരമായ മത്സരത്തില്‍ മൈക്രോ സെക്കന്റുകളുടെ വ്യത്യസത്തിലായിരുന്നു ചമ്പക്കുളത്തെ മറികടന്ന് വീയപുരം ഒന്നാമതെത്തിയയത്.
