കൊച്ചി: സംസ്ഥാനത്ത് സ്വർണവില ഉയർന്നു. തുടര്‍ച്ചയായി നാലുദിവസം മാറ്റമില്ലാതെ തുടര്‍ന്ന സ്വര്‍ണവിലയാണ് ഇന്ന് വർധിച്ചത്. 160 രൂപ വര്‍ധിച്ച് ഒരു പവന്‍ സ്വര്ണത്തിന്റെ വില 35,960 രൂപയായി. ഗ്രാമിന് 20 രൂപയാണ് വര്‍ധിച്ചു. 4495 രൂപയാണ് ഒരു ഗ്രാം സ്വര്ണത്തിന്റെ വില. മാസത്തെ ഏറ്റവും ഉയര്‍ന്ന നിലവാരത്തിലാണ് സ്വര്‍ണവില. ആഗോള വിപണിയിലെ ചലനങ്ങളും ഡോളര്‍ ശക്തിയാര്‍ജ്ജിക്കുന്നത് ഉള്‍പ്പെടെയുള്ള ഘടകങ്ങളുമാണ് സ്വര്‍ണവിലയില്‍ പ്രതിഫലിക്കുന്നത്.
