കരിപ്പൂർ> വിമാനത്താവളംവഴി കടത്താൻ ശ്രമിച്ച 1762 ഗ്രാം സ്വർണം കസ്റ്റംസ് ഇന്റലിജൻസ് വിഭാഗം പിടികൂടി. മലപ്പുറം അഞ്ചച്ചവിടി അന്നാരത്തൊടിക ഷംനാസി (34)നെ അറസ്റ്റ് ചെയ്തു. ഷാർജയിൽനിന്ന് എയർ അറേബ്യയുടെ ജി9 459 വിമാനത്തിലാണ് ഇയാൾ കരിപ്പൂരിൽ എ ത്തിയത്.
കോഴിക്കോട് ഡിആർഐ വിഭാഗം നൽകിയ രഹസ്യ വിവരത്തെ തുടർന്ന് കസ്റ്റംസ് ഇയാളെ പിടികൂടി ചോദ്യംചെയ്യുകയായിരുന്നു. അടിവസ്ത്രത്തിൽ അറയുണ്ടാക്കി ഒളിപ്പിച്ചനിലയിലായിരുന്നു സ്വർണം. പിടികൂടിയ സ്വർണത്തിന് 1,05,54,380 രൂപ വിലവരും.
