ആലപ്പുഴ > വ്യാജ ബിരുദ സർട്ടിഫിക്കറ്റുമായി ബന്ധപ്പെട്ട വിഷയത്തിൽ എംകോം വിദ്യാർഥി നിഖിൽ തോമസിനെ സസ്‌പെൻഡ്‌ ചെയ്‌തതായി കായംകുളം എംഎസ്‌എം കോളേജ്‌ പ്രിൻസിപ്പൽ. വിഷയം അന്വേഷിക്കാൻ സമിതിയെ നിയോഗിച്ചു. രണ്ട്‌ ദിവസത്തിനകം അന്വേഷണ റിപ്പോർട്ട്‌ ലഭിക്കുമെന്നും പ്രിൻസിപ്പൽ പറഞ്ഞു.
അഡ്‌മിഷൻ ഏജന്റുമാരായി മാഫിയ പ്രവർത്തിക്കുന്നുണ്ടെന്നും ഇക്കാര്യം അന്വേഷിക്കണമെന്നും എസ്എഫ്ഐ സംസ്ഥാന സെക്രട്ടറി പി എം ആർഷോ പറഞ്ഞു. നിഖിൽ ഈ മാഫിയയിൽ ഉൾപ്പെട്ടോ എന്ന്‌ പരിശോധിക്കണം. കലിംഗ സർവകലാശാലയെ വിദേശത്ത്‌ പലയിടത്തും നിരോധിച്ചിട്ടുണ്ട്‌. ഇത്തരം സർവകലാശാലകളെക്കുറിച്ച്‌ അന്വേഷിക്കണം. നിഖിലിന്‌ എസ്എഫ്ഐ ക്ലീൻ ചിറ്റ്‌ നൽകിയിട്ടില്ലെന്നും ആർഷോ പറഞ്ഞു. നിഖിൽ തോമസിനെ എസ്എഫ്ഐയുടെ ജില്ലാ കമ്മറ്റി, കായംകുളം ഏരിയാ സെക്രട്ടറി സ്ഥാനങ്ങളിൽ നിന്ന് നീക്കിയിരുന്നു.
