തിരുവനന്തപുരം > അനിൽ ആന്റണിയുടെ സ്ഥാനാർത്ഥിത്വത്തിൽ പ്രതിഷേധിച്ച പി സി ജോർജിന് താക്കീതുമായി ബിജെപി സംസ്ഥാന പ്രസിഡന്റ് കെ സുരേന്ദ്രൻ. വാക്കുകൾ ജോർജ് സൂക്ഷിച്ച് ഉപയോഗിക്കണം. ഭാഷയിൽ മിതത്വം പാലിക്കണം. അസ്വാരസ്യം അടിസ്ഥാനമില്ലാത്തതാണ്. നടപടി കാത്തിരുന്ന് കാണാമെന്നും സുരേന്ദ്രൻ പറഞ്ഞു.തുഷാർ വെള്ളാപ്പള്ളിയും പി സി ജോർജിനെതിരെ രംഗത്തെത്തി. ഒരു സഭപോലും ജോർജിനെ പിന്തുണക്കില്ല. ജോർജിന്റെ സ്വഭാവം എല്ലാവർക്കുമറിയാം. എല്ലാ സമുദായത്തേയും അപമാനിക്കുന്ന ആളാണ് ജോർജ് എന്നും തുഷാർ പറഞ്ഞു.പത്തു പേരെ നിര്ത്തി അനിൽ ആന്റണി ആരാണെന്ന് ചോദിച്ചാൽ ആര്ക്കും മനസിലാവില്ലെന്നായിരുന്നു പി.സി.ജോർജിന്റെ പ്രതികരണം. അനിൽ ആന്റണിയെ ജനങ്ങൾക്കു മുന്നിൽപരിചയപ്പെടുത്തി കൊടുക്കേണ്ടത് ഗതികേട് തന്നെയാണെന്നും പി സി ജോർജ് പറഞ്ഞിരുന്നു.
