ഇറാനില് ആക്രമണം നടത്തി പാകിസ്താന്. ബലൂചിസ്താന് ലിബറേഷന് ഫ്രണ്ടിന്റെയും ബലൂചിസ്ഥാന് ലിബറേഷന് ആര്മിയുടെയും ഇറാനിലുള്ള പോസ്റ്റുകള്ക്ക് നേരെയായിരുന്നു പാകിസ്താന്റെ പ്രത്യാക്രമണം. തീവ്രവാദ സംഘടനയായ ജെയ്ഷ് അല്-അദ്ലിന്റെ കേന്ദ്രങ്ങളില് ഇറാന് നടത്തിയ ആക്രമണങ്ങള്ക്ക് പിന്നാലെയാണ് തിരിച്ചടി. ഇറാന്റെ ആക്രമണത്തെ അപലപിച്ച പാകിസ്താന് വിദേശകാര്യ മന്ത്രാലയം ഗുരുതര പ്രത്യാഘാതമുണ്ടാകുമെന്ന് മുന്നറിയിപ്പ് നല്കിയിരുന്നു. ഇറാനുമായി അതിര്ത്തി പങ്കിടുന്ന ബലൂചിസ്ഥാന്റെ തെക്ക് പടിഞ്ഞാറന് പ്രവിശ്യയിലെ ഒരു ഗ്രാമത്തിലാണ് ഇറാന് ചൊവ്വാഴ്ച ആക്രമണം നടത്തിയത്. ഇറാന്റെ മിസൈല് ആക്രമണത്തില് രണ്ടു കുട്ടികള് കൊല്ലപ്പെടുകയും മൂന്നുപേര്ക്ക് പരിക്കേല്ക്കുകയും ചെയ്തിരുന്നു.
ഇറാഖിനും സിറിയയ്ക്കും ശേഷം ഇറാന് ആക്രമണം നേരിടുന്ന മൂന്നാമത്തെ രാജ്യമാണ് പാകിസ്ഥാന്. ഇസ്രയേല് ചാരസംഘടനയായ മൊസാദിന്റെ ഇറാഖിലെ ആസ്ഥാനം ഇറാന് കഴിഞ്ഞദിവസം അക്രമിച്ചിരുന്നു. ഇസ്ലാമിക് സ്റ്റേറ്റിന്റെ വടക്കന് സിറിയയിലെ താവളങ്ങള്ക്കുനേരേയും ഇറാന് നടത്തുകയുണ്ടായി. ഇതിന് പിന്നാലെയാണ് പാകിസ്താനിലും ആക്രമണം നടത്തിയത്.
