പാലക്കാട് : കൊല്ലങ്കോടിൽ 17 വയസ്സുകാരിയെ തീ കൊളുത്തി യുവാവ് ആത്മഹത്യയ്ക്ക് ശ്രമിച്ചു. കിഴക്കേഗ്രാമത്തില് സുബ്രഹ്മണ്യന് (23) ആണ് അതിക്രമം കാട്ടിയതെന്നു പൊലീസ് പറഞ്ഞു. സാരമായി പൊള്ളലേറ്റ ഇരുവരെയും തൃശൂർ മെഡിക്കൽ കോളജിൽ പ്രവേശിപ്പിച്ചു. സുബ്രഹ്മണ്യനും പെണ്കുട്ടിയും ഇഷ്ടത്തിലായിരുന്നുവെന്ന് യുവാവിന്റെ അമ്മ വെളിപ്പെടുത്തി. ‘രാവിലെ 6.50 ഓടെ പാലുവാങ്ങി തിരിച്ചുവരുമ്പോൾ വീടിനു മുൻവശത്ത് മകൻ കസേരയിൽ ഇരിക്കുന്നുണ്ടായിരുന്നു. അടുക്കളയിൽ പോയ ഞാൻ ശബ്ദം കേട്ട് മുറിയിൽ എത്തിയപ്പോഴാണ് തീ കത്തുന്നത് കണ്ടത്. പെൺകുട്ടി എപ്പോൾ വീടിനകത്ത് കയറിയെന്ന് അറിയില്ല.ഇന്ന് മകന്റെ പിറന്നാൾ ആണ്. ഇരുവരും ഇഷ്ടത്തിലായിരുന്നു. പെൺകുട്ടിക്ക് 18 വയസ്സാകുമ്പോൾ വിവാഹം നടത്താമെന്ന് വീട്ടുകാർ തീരുമാനിച്ചിരുന്നതാണ്. ഇപ്പോൾ എന്തു സംഭവിച്ചെന്ന് അറിയില്ല.’– സുബ്രഹ്മണ്യന്റെ അമ്മ പറഞ്ഞു.
