കൊല്ലം > നാടിന്റെ നന്മ ഉറപ്പുവരുത്തുന്ന ജനകീയതയാണ് നവകേരള സദസ്സിന്റെ പ്രത്യേകതയെന്ന് മുഖ്യമന്ത്രി പിണറായി വിജയൻ. നവകേരള സദസ്സിൻ്റെ ഇന്നത്തെ പ്രഭാതയോഗം ചേർന്നത് കൊല്ലത്തായിരുന്നു. പുരോഗമന രാഷ്‌ട്രീയത്തിൻ്റെ ചരിത്രം ഇന്നും ത്രസിക്കുന്ന കൊല്ലത്ത് നടന്ന സംവാദം നവകേരള സൃഷ്‌ടിക്കുതകുന്ന ആശയങ്ങളാൽ സമ്പന്നമായി. പരമ്പരാഗത വ്യവസായങ്ങളുടെ ഈറ്റില്ലമാണ് കൊല്ലം. പ്രകൃതിഭംഗിയാൽ അനുഗൃഹീതമായ കൊല്ലം ജില്ലയിൽ ടൂറിസം വലിയ മുന്നേറ്റമാണുണ്ടാക്കിയിരിക്കുന്നത്. വ്യവസായമേഖലയിലും വലിയ മാറ്റങ്ങളാണ് കഴിഞ്ഞ ഏഴു വർഷക്കാലയളവിൽ ഉണ്ടായത് – മുഖ്യമന്ത്രി കുറിപ്പിൽ പറഞ്ഞു.
