ന്യൂഡൽഹി∙ കോൺഗ്രസ് അധ്യക്ഷനായി തിരഞ്ഞെടുക്കപ്പെട്ട മല്ലികാർജുൻ ഖർഗയെ അഭിനന്ദിച്ച് പ്രധാനമന്ത്രി നരേന്ദ്ര മോദി. ട്വീറ്റിലൂടെയായിരുന്നു അഭിനന്ദനം. ഫലവത്തായ അധികാരകാലം മുന്നോട്ടുണ്ടാകട്ടെയെന്നും അദ്ദേഹം ഖർഗെയെയും കോൺഗ്രസിനെയും ടാഗ് ചെയ്ത് ട്വീറ്റ് ചെയ്തു.
തിങ്കളാഴ്ച നടന്ന കോൺഗ്രസ് അധ്യക്ഷ തിരഞ്ഞെടുപ്പിന്റെ വോട്ടെണ്ണൽ ഇന്നു നടന്നപ്പോൾ ശശി തരൂരിനെ പിന്തള്ളി 7897 വോട്ടുകൾ നേടി ഖർഗെ വിജയിച്ചിരുന്നു. തരൂരിന് 1072 വോട്ടുകൾ ലഭിച്ചു.
