ചൈന: ചൈനയിൽ നിഗൂഢമായ ന്യൂമോണിയ കേസുകൾ വർദ്ധിക്കുന്നതായി റിപ്പോർട്ടുകൾ. ഇതുസംബന്ധിച്ച് ലോകാരോഗ്യ സംഘടന (ഡബ്ല്യുഎച്ച്ഒ) ചൈനയിൽ നിന്ന് ഔദ്യോഗികമായി വിശദമായ റിപ്പോർട്ട് തേടിയിട്ടുണ്ട്. ന്യൂമോണിയ (മിസ്റ്ററി ന്യൂമോണിയ) രോഗം കുട്ടികളിലാണ് പടർന്നുപിടിക്കുന്നത്. രോഗം ബാധിച്ച കുട്ടികളിൽ ശ്വാസകോശ വീക്കം, കടുത്ത പനി തുടങ്ങിയ ലക്ഷണങ്ങൾ പ്രകടമായതായി വിദഗ്ധർ പറയുന്നു. ബീജിംഗ് ഉൾപ്പെടെ രാജ്യത്തുടനീളമുള്ള നഗരങ്ങളിൽ ന്യുമോണിയ പൊട്ടിപ്പുറപ്പെട്ട സാഹചര്യമാണുള്ളത്. ഇതോടെ ചൈനയിലെ ആശുപത്രികൾ രോഗബാധിതരായ കുട്ടികളെക്കൊണ്ട് നിറഞ്ഞിരിക്കുന്നതായി ചൈനീസ് മാധ്യമങ്ങൾ റിപ്പോർട്ട് ചെയ്യുന്നു.
സ്കൂളുകൾ അടച്ചിടേണ്ട സാഹചര്യത്തിലേക്ക് കാര്യങ്ങൾ എത്തുകയാണെന്ന് പ്രാദേശിക മാധ്യമങ്ങൾ റിപ്പോർട്ട് ചെയ്യുന്നു. ഇതിനകം ബീജിങിലെ പല സ്കൂളുകളും അടച്ചിട്ടിരിക്കുകയാണ്.
കൊവിഡ് 10 നിയന്ത്രണങ്ങൾ നീക്കിയത് ഇൻഫ്ലുവൻസ, മൈകോപ്ലാസ്മ ന്യുമോണിയ (സാധാരണയായി ചെറിയ കുട്ടികളെ ബാധിക്കുന്ന ഒരു സാധാരണ ബാക്ടീരിയൽ അണുബാധ), റെസ്പിറേറ്ററി സിൻസിറ്റിയൽ വൈറസ് (RSV), തുടങ്ങിയ രോഗങ്ങൾ ബാധിക്കുന്നവരുടെ എണ്ണത്തിൽ വർദ്ധനവ് ഉണ്ടായതായി ചൈനീസ് അധികൃതർ പറയുന്നു.
ഒക്ടോബർ പകുതി മുതൽ വടക്കൻ ചൈനയിൽ ഇൻഫ്ലുവൻസ പോലുള്ള അസുഖങ്ങൾ മുൻ മൂന്ന് വർഷങ്ങളിലെ കാലയളവിനെ അപേക്ഷിച്ച് വർധിച്ചതായി ലോകാരോഗ്യ സംഘടന അറിയിച്ചു. ന്യൂമോണിയ കേസുകൾ റിപ്പോർട്ട് ചെയ്തതിനെ തുടർന്ന് ലോകാരോഗ്യസംഘടന ജാഗ്രതാ നിർദേശം നൽകിയിട്ടുണ്ട്. ചൈനയ്ക്ക് ലോകാരോഗ്യസംഘടന നൽകിയ നിർദേശം ഇങ്ങനെ…
മുൻകരുതലുകൾ എന്തൊക്കെ?…
വാക്സിനേഷൻ എടുക്കുക.
അസുഖമുള്ളവരിൽ നിന്ന് അകലം പാലിക്കുക.
അസുഖം വരുമ്പോൾ വീട്ടിൽ തന്നെ തുടരുക.
പരിശോധനയും ആവശ്യാനുസരണം വൈദ്യസഹായവും തേടുക.
മാസ്കുകൾ ധരിക്കുക.
നല്ല വായുസഞ്ചാരം ഉറപ്പാക്കുക.
ഇടയ്ക്കിടെ കെെകൾ കഴുകുക.
