മലയാളത്തില് വൻ ഹിറ്റായി മാറിയ ചിത്രം ആര്ഡിഎക്സിലെ നായികയായി പ്രേക്ഷകരുടെ പ്രിയങ്കരിയായതാണ് മഹിമ നമ്പ്യാര്. തമിഴകത്തും മഹിമാ നമ്പ്യാര് വേറിട്ട ചിത്രങ്ങളിലൂടെ ശ്രദ്ധയാകര്ഷിക്കുകയാണ്. തമിഴില് മഹിമ നായികയാകുന്ന പുതിയ ചിത്രമാണ് നാട്. നാടിലെ മനോഹരമായ ഗാനത്തിന്റെ ലിറിക് വീഡിയോ പുറത്തുവിട്ടു. യേലേലയ്യ എന്ന ഗാനമാണ് പുറത്തുവിട്ടിരിക്കുന്നത്. വരികള് എഴുതിയിരിക്കുന്നത് തോഴനും സംഗീത സംവിധാനം സി സത്യയും ആലാപനം സുഗന്ധിയുമാണ്. സംവിധാനം നിര്വഹിച്ചിരിക്കുന്നത് എം ശരവണനാണ്. എങ്കേയും എപ്പോതും എന്ന ചിത്രത്തിന്റെ സംവിധായകനായി പ്രേക്ഷക പ്രീതി നേടിയ എം ശരവണനൊപ്പം മഹിമ നമ്പ്യാരും എത്തുമ്പോള് വൻ ഹിറ്റാണ് പ്രതീക്ഷിക്കുന്നത്.
