കോഴിക്കോട് : കഞ്ചാവ് കേസിലെ പ്രതി ജാമ്യം കിട്ടി പുറത്തിറങ്ങിയ സ്ത്രീയെ വീണ്ടും കഞ്ചാവ് കേസില്‍ പിടികൂടി. ചേക്രോന്‍ വളപ്പില്‍ കമറുന്നീസയാണ് 3.1 കിലോ കഞ്ചാവുമായി പിടിയിലായത്. കഞ്ചാവ് വില്‍പ്പന നടത്തുന്നതിനിടെയാണ് കമറുന്നീസ കുന്ദമംഗലം എക്‌സൈസിന്റെ പിടിയിലായത്. കുന്ദമംഗലം എക്‌സൈസ് ഇന്‍സ്പെക്ടര്‍ മനോജ് പടികത്തിന്റെ നേതൃത്വത്തില്‍ നടത്തിയ പരിശോധനയിലാണ് ഇവര്‍ പിടിയിലായത്. ജാമ്യംകിട്ടി പുറത്തിറങ്ങിയ കമറൂന്നീസ എക്‌സൈസിന്റെ നിരീക്ഷണത്തിലായിരുന്നു. മുന്‍പ് എന്‍.സി.പി.എസ്. കേസിലും കമറുന്നീസ ജയില്‍ ശിക്ഷ അനുഭവിച്ചിരുന്നു. എക്‌സൈസ്സ് പാര്‍ട്ടിയില്‍ പ്രിവന്റീവ് ഓഫീസര്‍ ഹരീഷ് പി.കെ, ഗ്രേഡ് പി.ഒ. മനോജ് കുമാര്‍, സിവില്‍ എക്‌സൈസ് ഓഫീസര്‍മാരായ അജിത്, അര്‍ജുന്‍ വൈശാഖ്, അഖില്‍,നിഷാന്ത് വുമണ്‍ സിവില്‍ എക്‌സൈസ് ഓഫീസര്‍ ലതമോള്‍ എക്‌സൈസ് ഡ്രൈവര്‍ എഡിസണ്‍ എന്നിവരും പങ്കെടുത്തു.
