കണ്ണൂര്: കനത്തമഴയെ തുടര്ന്ന് കണ്ണൂര് ജില്ലയിലെ പ്രൊഫഷണല് കോളജുകള് ഉള്പ്പെടെയുള്ള എല്ലാ വിദ്യാഭ്യാസ സ്ഥാപനങ്ങള്ക്കും ജില്ലാ കലക്ടര് അവധി പ്രഖ്യാപിച്ചു. അങ്കണവാടികള്, കേന്ദ്രീയ വിദ്യാലയങ്ങള്, സ്റ്റേറ്റ്, സിബിഎസ്ഇ, ഐസിഎസ്ഇ സ്കൂളുകള് തുടങ്ങി എല്ലാ വിദ്യാഭ്യാസ സ്ഥാപനങ്ങള്ക്കും അവധി ബാധകമാണ്. അവധി മൂലം നഷ്ടപ്പെട്ടന്ന പഠനസമയം ക്രമീകരിക്കുന്നതിന് ബന്ധപ്പെട്ട വിദ്യാഭ്യാസ സ്ഥാപന മേധാവികള് നടപടികള് സ്വീകരിക്കണമെന്ന് ജില്ലാ കലക്ടര് അറിയിച്ചു.
വിദ്യാര്ഥികളെ മഴക്കെടുതിയില് നിന്ന് അകറ്റി നിര്ത്തുന്നതിനുള്ള നിര്ദ്ദേശങ്ങള് നല്കേണ്ടതുമാണ്. നാളെ നടത്താനിരുന്ന സര്വകലാശാല/പി എസ് സി പരീക്ഷകള്ക്ക് മാറ്റമുണ്ടായിരിക്കുന്നതല്ല. അതേസമയം സംസ്ഥാനത്ത് മഴ മുന്നറിയിപ്പില് മാറ്റം. ഇടുക്കിയില് ഇന്ന് ഒറ്റപ്പെട്ട സ്ഥലങ്ങളില് അതിതീവ്രമഴയാണ് കേന്ദ്ര കാലാവസ്ഥ വകുപ്പ് പ്രവചിക്കുന്നത്. ജാഗ്രതയുടെ ഭാഗമായി ജില്ലയില് റെഡ് അലര്ട്ട് പ്രഖ്യാപിച്ചു.
