മുംബൈ : വിപണിയില് അഞ്ചാം ദിവസവും നേട്ടം. നേരിയ നഷ്ടത്തിലാണ് വ്യാപാരം ആരംഭിച്ചതെങ്കിലും പിന്നിട് നേട്ടത്തിലെത്തുകയായിരുന്നു. സെന്സെക്സ് 138 പോയന്റ് ഉയര്ന്ന് 61,288ലും നിഫ്റ്റി 38 പോയന്റ് നേട്ടത്തില് 18,250ലുമാണ് വ്യാപാരം നടക്കുന്നത്.
നടപ്പ് സാമ്പത്തികവര്ഷത്തെ മൂന്നാംപാദഫലങ്ങള് ടിസിഎസ് ഉള്പ്പടെയുള്ള കമ്പനികള് പുറത്തുവിട്ടത് വപണിയില് ആത്മവിശ്വാസം ഉയര്ത്തിയിട്ടുണ്ട്. അതേസമയം, ഉപഭോക്തൃ വില സൂചിക തുടര്ച്ചയായ മാസങ്ങളില് ഉയര്ന്നത് വിപണിയെ ബാധിച്ചേക്കാം.
പവര്ഗ്രിഡ്, ടാറ്റ സ്റ്റീല്, സണ് ഫാര്മ, എന്ടിപിസി, മാരുതി സുസുകി, എല്ആന്ഡ്ടി, റിലയന്സ് ഇന്ഡസ്ട്രീസ്, കോള് ഇന്ത്യ, യുപിഎല്, ഹിന്ഡാല്കോ തുടങ്ങിയ ഓഹരികളാണ് നേട്ടത്തില്. നിഫ്റ്റി മെറ്റല്, ഐടി, ഫാര്മ സൂചികകളില് 0.4ശതമാനം മുതല് ഒരുശതമാനംവരെ ഉയര്ന്നാണ് വ്യാപാരം നടക്കുന്നത്. ബാങ്ക്, ഓട്ടോ, ധനകാര്യസേവനം, റിയാല്റ്റി സൂചികകള് നഷ്ടത്തിലുമാണ്.
