മല്ലപ്പള്ളി : പ്രായപൂർത്തിയാകാത്ത പെൺകുട്ടികളെ ലൈംഗികമായി പീഡിപ്പിച്ചതിന് അറസ്റ്റിലായ മദ്രസ അധ്യാപകനെ റിമാൻഡുചെയ്തു. വായ്പൂര് ഊട്ടുകുളം മദ്രസ അധ്യാപകൻ, കൊല്ലം കാവനാട് തെക്കേ വാപ്പറമ്പ് പനമൂട്ടിൽ കിഴക്കേതിൽ മുഹമ്മദ് സാലിഹ് (57) ആണ് പെരുമ്പെട്ടി പോലീസിന്റെ പിടിയിലായത്. 11-12 വയസ്സുള്ള മൂന്നുകുട്ടികളെയാണ് ഇയാൾ ലൈംഗികാതിക്രമത്തിന് വിധേയരാക്കിയത്. ഒരു കുട്ടിയുടെ മാതാവിന്റെ പരാതിയിലാണ് അറസ്റ്റ്. പോക്സോ നിയമപ്രകാരമാണ് കേസ്. മദ്രസയിൽ മതപഠനക്ലാസിനിടയിലായിരുന്നു അതിക്രമം. പിന്നീട് കിട്ടിയ പരാതികളുടെ അടിസ്ഥാനത്തിൽ രണ്ട് കേസുകൾകൂടി എടുത്തു. പെരുമ്പെട്ടി പോലീസ് ഇൻസ്പെക്ടർ ജോബിൻ ജോർജിന്റെ നേതൃത്വത്തിലാണ് ഇയാളെ അറസ്റ്റുചെയ്തത്.
