തിരുവനന്തപുരം: ബിഗ് ബോസ് സീസണ് 4ലെ താരമായി ജനശ്രദ്ധ നേടിയ ആളാണ് ഡോ. റോബിന്. ആരതി പൊടിയുമായുള്ള വിവാഹ നിശ്ചയവും, സിനിമ പ്രഖ്യാപനങ്ങളും എല്ലാം താര പരിവേഷത്തിലാണ് റോബിനെ എത്തിച്ചത്. അടുത്തിടെയാണ് റോബിന്റെ വാദങ്ങള്ക്കെതിരെ മുന് സുഹൃത്തായ സ്റ്റില് ഫോട്ടോഗ്രാഫര് ശാലു പേയാട് രംഗത്ത് എത്തിയത്. റോബിന്റെ പല വാദങ്ങളും പൊളിച്ച വെളിപ്പെടുത്തലുകളാണ് ശാലു നടത്തിയത്.
വിവിധ ഓണ്ലൈന് മാധ്യമങ്ങള്ക്ക് നല്കിയ അഭിമുഖങ്ങളില് ശാലു റോബിന് പലപ്പോഴും നടത്തിയ അവകാശവാദങ്ങള്ക്കെതിരെ രംഗത്ത് എത്തി. മോഹന്ലാല് പ്രഖ്യാപിച്ച റോബിന്റെ ചലച്ചിത്രത്തിന്റെ പ്രഖ്യാപനം അടക്കം വ്യാജമാണ് എന്ന വെളിപ്പെടുത്തലാണ് ശാലു നടത്തിയത്. റോബിന് ബിഗ്ബോസിലെ സഹ മത്സരാര്ത്ഥിയും കഴിഞ്ഞ സീസണ് വിജയിയുമായ ദില്ഷയെ സൈബര് ആക്രമണം നടത്താന് ആഹ്വാനം ചെയ്തു എന്നതടക്കം ഗൌരവമേറിയ ആരോപണങ്ങളാണ് ശാലു നടത്തിയത്. റോബിന്റെ മറ്റൊരു മുന് സുഹൃത്തായ ആരവിനൊപ്പം ചേര്ന്നും ശാലു റോബിനെതിരെ രംഗത്തെത്തിയിരുന്നു. ഇതിന് പിന്നാലെ റോബിനെതിരെ സോഷ്യല് മീഡിയയില് വിമര്ശനങ്ങള് ഉയര്ന്നു വന്നിരുന്നു. എന്നാല് ഗൌരവമേറിയ ആരോപണങ്ങളില് നിന്നും പിന്നോട്ട് പോകുകയാണോ എന്ന സംശയമാണ് പുതിയ പോസ്റ്റിലൂടെ നല്കുന്നത്. ഇന്സ്റ്റഗ്രാം സ്റ്റോറിയായാണ് ശാലുവിന്റെ പുതിയ വെളിപ്പെടുത്തല്.
