തിരുവനന്തപുരം > ചൈനയിലെ ചെങ്ഡുവ് വിമാനത്താവളത്തിൽനിന്ന് ചെന്നൈയിലേക്ക് പുറപ്പെട്ട സിച്ചുവാൻ എയർലൈൻസിന്റെ കാർഗോ വിമാനം മോശം കാലാവസ്ഥയെ തുടർന്ന് തിരുവനന്തപുരം വിമാനത്താവളത്തിലിറക്കി.
തിങ്കൾ രാവിലെയോടെ വിമാനം ചെന്നൈ വിമാനത്താവളത്തിന് മുകളിലെത്തിയെങ്കിലും മോശം കാലാവസ്ഥ കാരണം ലാൻഡിങ്ങിന് അനുമതി ലഭിച്ചില്ല. ഇതോടെ തിരുവനന്തപുരം വിമാനത്താവളത്തിലേക്ക് വഴി തിരിച്ചുവിടുകയായിരുന്നു. രാവിലെ 8.37ന് വിമാനം റൺവേയിൽ സുരക്ഷിതമായി ഇറക്കി. പകൽ 10ഓടെ ചെന്നൈയിലേക്ക് പറന്നു.
