ചെന്നൈ: കുറഞ്ഞ മുതല്മുടക്കില് വരുന്ന മികച്ച ചിത്രങ്ങളെ പ്രോത്സാഹിപ്പിക്കാനായി ഒരു നീക്കം നടത്തുകയാണ് തമിഴ്നാട് സര്ക്കാര്. 2015-നും 2022-നും ഇടയില് റിലീസ് ചെയ്ത ലോ-ബജറ്റ് തമിഴ് സിനിമകളുടെ ഒരു ലിസ്റ്റ് തിരഞ്ഞെടുക്കാനുള്ള നടപടികള് സര്ക്കാര് ആരംഭിച്ചിരിക്കുകയാണ്. തിരഞ്ഞെടുക്കപ്പെടുന്ന ഓരോ ചിത്രത്തിനും ഏഴ് ലക്ഷം രൂപ ധനസഹായമായി ലഭിക്കും. തിരഞ്ഞെടുത്ത തമിഴ് സിനിമകളുടെ ലിസ്റ്റ് ഉടന് തന്നെ അത് പ്രഖ്യാപിക്കുമെന്നാണ് റിപ്പോര്ട്ട്. ‘ഡിമോണ്ടി കോളനി’, ‘മാനഗരം’, ‘8 തോട്ടൈകള്’, ’96’, ‘കടൈസി വിവസായി’ തുടങ്ങിയ ചിത്രങ്ങള് പട്ടികയില് ഇടംപിടിക്കുമെന്നാണ് പ്രേക്ഷകരടെയും നിരൂപകരുടെയും പ്രതീക്ഷ.
