ഒന്പത് ദിവസം കൊണ്ട് 100 കോടി കടന്ന് ‘ദി കേരള സ്റ്റോറി’. ‘ദി കേരള സ്റ്റോറി’ ബോക്സ് ഓഫീസില് ശക്തമായി മുന്നേറുകയാണ്. ചിത്രം ഇപ്പോള് 113 കോടിയും കടന്ന് കുതിക്കുകയാണ്. ബോക്സ് ഓഫീസില് ഒരാഴ്ച കൊണ്ട് തന്നെ 93.7 കോടിയിലധികം ചിത്രം വാരിക്കൂട്ടിയതായി റിപ്പോര്ട്ട് പുറത്തുവന്നിരുന്നു. സുദീപ്തോ സെന് സംവിധാനം ചെയ്ത ചിത്രം 2023 മെയ് 5 ന് പുറത്തിറങ്ങിയത്.
ഇതുവരെ ഉള്ള കണക്ക് പ്രകാരം അതായത്, ഒന്പത് ദിവസം കൊണ്ട് 100 കോടി ക്ലബ്ബില് ചിത്രം ഇടം പിടിച്ചുവെന്ന് ട്രേഡ് അനലിസ്റ്റ് ആയ തരണ് ആദര്ശ് ട്വീറ്റ് ചെയ്യുന്നു. പശ്ചിമ ബംഗാളില് ചിത്രം നിരോധിച്ചിരിക്കുന്നു. ക്രമസമാധാന പ്രശ്നം ചൂണ്ടിക്കാട്ടി തമിഴ്നാട്ടിലെ മള്ട്ടിപ്ലക്സുകള് ചിത്രത്തിന്റെ പ്രദര്ശനം നിര്ത്തിവച്ചു. അതേസമയം ബിജെപി ഭരിക്കുന്ന സംസ്ഥാനങ്ങളായ ഉത്തര്പ്രദേശ്, മധ്യപ്രദേശ് എന്നിവയ്ക്ക് നികുതി രഹിത പദവി നല്കിയിട്ടുണ്ട്.
