ബെംഗളൂരു: സമകാലിക ഇന്ത്യന് ക്രിക്കറ്റിലെ ഏറ്റവും വലിയ ബ്രാന്ഡ് വിരാട് കോലിയാണ്. കോലി എവിടെയെത്തിയാലും കാണാനായി ആരാധകർ നിറയുന്നത് പതിവാണ്. മൈതാനത്തും പുറത്തും കോലി ഒരുപോലെ ആരാധകർക്ക് പ്രിയങ്കരന്. യുവ ക്രിക്കറ്റർമാർക്ക് റോള് മോഡല് കൂടിയാണ് ഇന്ത്യന് റണ് മെഷീന്. ഏഷ്യാ കപ്പിനായുള്ള തയ്യാറെടുപ്പുകള്ക്കായി ബെംഗളൂരുവില് എത്തിയപ്പോള് കോലിയെ ആരാധകർ പൊതിഞ്ഞതിന്റെ വീഡിയോ ഇപ്പോള് ശ്രദ്ധയാകർഷിക്കുകയാണ്. വെറും ആരാധകർ മാത്രമല്ല, പരിപാടിക്ക് സുരക്ഷ ഒരുക്കാനെത്തിയ പോലീസുകാർ വരെ ഇന്ത്യന് ബാറ്റിംഗ് ഹീറോയ്ക്കൊപ്പം ചിത്രങ്ങളെടുത്തു.
ഏഷ്യാ കപ്പിന് മുന്നോടിയായുള്ള ടീം ക്യാംപിനായി ബെംഗളൂരുവിലാണ് ഇന്ത്യന് ക്രിക്കറ്റ് താരങ്ങളുള്ളത്. ക്യാംപിനായി നഗരത്തില് എത്തിയതായിരുന്നു വിരാട് കോലിയും. നഗരത്തിലെ ഒരു കോളേജില് നടന്ന പരിപാടിയില് കിംഗ് കോലി പങ്കെടുക്കുകയും ചെയ്തു. ഇവിടെ വച്ചാണ് കോലിക്കൊപ്പം പോലീസുകാർ ചിത്രമെടുത്തത്. ആരാധകരെ നിയന്ത്രിക്കാന് പാടുപെട്ടതിന് ഇടയിലാണ് കോലിക്കൊപ്പം ചിത്രങ്ങളെടുക്കാന് പോലീസുകാർ സമയം കണ്ടെത്തിയത് എന്ന് പരിപാടിയുടെ നിരവധി വീഡിയോകള് വ്യക്തമാക്കുന്നു.
Video of the day – The Roar for Virat Kohli at Atria institute in Bangalore and King Kohli poses for picture with Police officers.
Great gesture from King Kohli..!! pic.twitter.com/xefNgy83oi
— Tanuj (@ImTanujSingh) August 24, 2023
Virat Kohli At Atria Institute Of Technology, Bangalore Today.♥️
(1/2)#ViratKohli @imVkohli pic.twitter.com/qYMzqnFxdE
— virat_kohli_18_club (@KohliSensation) August 24, 2023
(2/2)#ViratKohli @imVkohli pic.twitter.com/6gWy8gc7pz
— virat_kohli_18_club (@KohliSensation) August 24, 2023
