സൂപ്പര്‍സ്റ്റാര്‍ നാനി നായകനായ ചിത്രമാണ് ‘ശ്യാം സിന്‍ഹ റോയി’. രാഹുല്‍ സംകൃത്യന്‍ ആണ് സംവിധാനം ചെയ്ത ‘ശ്യാം സിന്‍ഹ റോയി’ക്ക് മികച്ച പ്രതികരണമാണ് തിയറ്ററുകളില്‍ നിന്ന് ലഭിച്ചത്. ക്രിസ്മസ് റിലീസായിട്ട് ആണ് ചിത്രം തിയറ്ററുകളില്‍ പ്രദര്‍ശനത്തിന് എത്തിയത്. സായ് പല്ലവി നായികയായ ചിത്രത്തിന്റെ വീഡിയോ ഗാനം പുറത്തുവിട്ടിരിക്കുകയാണ് ഇപോള്‍. ‘സിരിവെന്നെല’ എന്ന തുടങ്ങുന്ന ഒരു ഗാനമാണ് പുറത്തുവിട്ടിരിക്കുന്നത്. നാനിയും സായ് പല്ലവിയുമാണ് ചിത്രത്തിലെ ഗാനരംഗത്തുള്ളത്. സിരിവെന്നെലെ സീതാരാമ ശാസ്ത്രിയാണ് ചിത്രത്തിലെ ഗാനത്തിന്റെ വരികള്‍ എഴുതിയിരിക്കുന്നത്. മിക്കി ജെ മെയര്‍ ആണ് ചിത്രത്തിന്റെ സംഗീത സംവിധായകന്‍.
‘ശ്യാം സിന്‍ഹ റോയി’യെന്ന ചിത്രം നിര്‍മിച്ചത് ശ്രീ വെങ്കട്ട് ബോയ്‌നപ്പള്ളിയാണ്. നിഹാരിക എന്റര്‍ടൈന്‍മെന്റിന്റെ ബാനറിലാണ് ചിത്രത്തിന്റെ നിര്‍മാണം. അവിനാശ് കൊല്ല ആണ് ചിത്രത്തിന്റെ പ്രൊഡക്ഷന്‍ ഡിസൈനര്‍. എസ് വെങ്കട്ട രത്‌നമാണ് ചിത്രത്തിന്റെ സഹനിര്‍മാതാവ്. മഡോണ സെബാസ്റ്റ്യന്‍, രാഹുല്‍ രവീന്ദ്രന്‍, മുരളി ശര്‍മ്മ, അഭിനവ് ഗോമതം, ജിഷു സെന്‍ ഗുപ്ത, ലീലാ സാംസണ്‍, മനീഷ് വാദ്വ, ബരുണ്‍ ചന്ദ എന്നിവരാണ് മറ്റു അഭിനേതാക്കള്‍. നൃത്ത സംയോജനം: കൃതി മഹേഷ്, യാഷ്. പി ആര്‍ ഒ: വംശി ശേഖര്‍, പി ശിവപ്രസാദ്. തെലുങ്ക് ഭാഷയില്‍ നിര്‍മിച്ച ചിത്രം മലയാളത്തിലടക്കം മൊഴിമാറ്റിയും എത്തിയിരുന്നു.
