തിരുവനന്തപുരം : ഹോട്ടല് മുറിയില് അബോധാവസ്ഥയില് കണ്ടെത്തിയ യുവാവ് മരിച്ചു. പത്താനപുരം സ്വദേശി അജിന് ആണ് മരിച്ചത്. സംഭവത്തില് ഹോട്ടല് മുറിയിലുണ്ടായിരുന്ന യുവതിയെ പോലീസ് കസ്റ്റഡിയിലെടുത്തു. ഇക്കഴിഞ്ഞ ബുധനാഴ്ചയാണ് യുവാവിനെ ഹോട്ടല് മുറിയില് അബോധാവസ്ഥയില് കണ്ടെത്തിയത്. കഴുത്തിനേറ്റ ക്ഷതമാണ് മരണകാരണമെന്നാണ് പോസ്റ്റ്മോര്ട്ടം റിപ്പോര്ട്ട്. സംഭവം നടക്കുമ്പോള് യുവാവും യുവതിയും മദ്യലഹരിയിലായിരുന്നുവെന്നും മരണത്തില് ദുരൂഹതയുണ്ടെന്നുമാണ് പോലീസ് പറയുന്നത്. അജിൻ അബോധാവസ്ഥയിലായ കാര്യം യുവതിയാണ് ഹോട്ടൽ റിസപ്ഷനിൽ അറിയിച്ചത്. മദ്യ ലഹരിയിലായിരുന്ന അജിൻ തൂങ്ങി മരിക്കാന് ശ്രമിച്ചപ്പോൾ യുവതി രക്ഷിച്ചതാകാമെന്നും സംഭവത്തില് അന്വേഷണം നടക്കുകയാണെന്നും വഞ്ചിയൂര് പോലീസ് പറഞ്ഞു.
