തിരുവനന്തപുരം : സംസ്ഥാനത്ത് മന്ത്രിസഭാ പുനഃസംഘടന ഉണ്ടാവില്ലെന്ന് സിപിഎം സംസ്ഥാന സെക്രട്ടറി കോടിയേരി ബാലകൃഷ്ണൻ. വകുപ്പ് മാറ്റവുമില്ല. സർക്കാരിന്റെ പ്രവർത്തനം നല്ല രീതിയിൽ മുന്നോട്ടു പോകുന്നു. താൻ മന്ത്രിയാവാൻ ഇല്ലെന്നും കോടിയേരി പറഞ്ഞു. കെ.ടി.ജലീലും മുസ്ലിം ലീഗ് നേതാവ് പി.കെ.കുഞ്ഞാലിക്കുട്ടിയും തമ്മിൽ കൂടിക്കാഴ്ച നടത്തിയതിൽ രാഷ്ട്രീയമില്ലെന്നും കോടിയേരി പറഞ്ഞു. രണ്ടു നേതാക്കൾ തമ്മിൽ കാണുന്നതിൽ രാഷ്ട്രീയമില്ല. അധികാരമുള്ളിടത്തേ മുസ്ലിം ലീഗ് നിൽക്കൂ. ഇടതുമുന്നണിയിൽ വിപുലീകരണം ഇപ്പോഴില്ല. പാർട്ടിയിൽ 75 വയസ്സ് കഴിഞ്ഞവർക്ക് സംസ്ഥാന സെന്ററിന്റെ ഭാഗമായി പ്രവർത്തിക്കാമെന്നും കുറച്ചുപേരെ കമ്മിറ്റിയിൽ പ്രത്യേക ക്ഷണിതാക്കളായി ഉൾപ്പെടുത്തുമെന്നും കോടിയേരി പറഞ്ഞു.
