ടാറൗബ : അണ്ടർ 19 ലോകകപ്പിനും ഭീഷണിയായി കോവിഡ്. ലോകകപ്പിനെത്തിയ ഇന്ത്യൻ സംഘത്തിലെ ക്യാപ്റ്റൻ യാഷ് ദുൾ അടക്കം ആറു പേർക്കാണ് രോഗം സ്ഥിരീകരിച്ചത്. ഇതോടെ ഗ്രൂപ്പ് ബിയിൽ അയർലൻഡിനെതിരായ രണ്ടാം മത്സരം ഇവർക്ക് നഷ്ടമായി. യാഷ് ദുൾ, വൈസ് ക്യാപ്റ്റൻ എസ്.കെ റഷീദ്, സിദ്ധാർഥ് യാദവ്, ആരാധ്യ യാദവ് എന്നിവരടക്കമുള്ള താരങ്ങൾക്കാണ് രോഗം ബാധിച്ചത്. ഇവർ ഐസൊലേഷനിലാണ്. ബുധനാഴ്ച അയർലൻഡിനെതിരായ മത്സരത്തിനു തൊട്ടുമുമ്പാണ് താരങ്ങൾക്ക് രോഗം സ്ഥിരീകരിച്ചത്. ഇതോടെ യാഷിന് പകരം നിഷാന്ത് സിന്ധുവിന്റെ നേതൃത്വത്തിൽ കളത്തിലിറങ്ങിയ ഇന്ത്യ അയർലൻഡിനെ 174 റൺസിന് തകർക്കുകയും ചെയ്തു.
