കോഴിക്കോട്: കാലിക്കറ്റ് സര്വകലാശാലാ എം.എഡ്. പ്രവേശനത്തിന്റെ ട്രെയിനിംഗ് കോളേജുകളിലേക്കുള്ള ആദ്യ അലോട്ട്മെന്റും സര്വകലാശാലാ പഠനവിഭാഗത്തിലേക്കുള്ള റാങ്ക് ലിസ്റ്റും പ്രവേശനവിഭാഗം വെബ്സൈറ്റില് പ്രസിദ്ധീകരിച്ചു. അലോട്ട്മെന്റ് ലഭിച്ചവര് സപ്തംബര് 3-ന് മുമ്പായി മാന്റേറ്ററി ഫീസടച്ച് അലോട്ട്മെന്റ് ഉറപ്പുവരുത്തണം. അല്ലാത്തപക്ഷം അലോട്ട്മെന്റ് നഷ്ടപ്പെടുകയും തുടര്ന്നുള്ള അലോട്ട്മെന്റുകളില് നിന്ന് പുറത്താവുകയും ചെയ്യും. എസ്.സി., എസ്.ടി. വിഭാഗക്കാര്ക്ക് 115 രൂപയും മറ്റുള്ളവര്ക്ക് 480 രൂപയുമാണ് മാന്റേറ്ററി ഫീസ്. ട്രെയ്നിംഗ് കോളേജുകളിലേക്കുള്ള രണ്ടാം അലോട്ട്മെന്റ് സപ്തംബര് 6-ന് പ്രസിദ്ധീകരിക്കും. വിശദവിവരങ്ങള് വെബ്സൈറ്റില്. ഫോണ് 0494 2407016, 2660600.
