ന്യൂഡൽഹി ∙ കേരളാ മുഖ്യമന്ത്രി പിണറായി വിജയന്റെയും മന്ത്രിമാരുടെയും വിദേശയാത്രയുടെ ഫലപ്രാപ്തിയെക്കുറിച്ച് രാഷ്ട്രീയവിവാദം കത്തിപ്പടരുകയാണ്. ഇതിനിടെ, തന്റെ വിദേശയാത്രയുടെ പ്രോഗ്രസ് റിപ്പോര്ട്ട് പുറത്തിറക്കി വ്യത്യസ്തനാവുകയാണു കേന്ദ്ര വിദേശകാര്യ സഹമന്ത്രി വി.മുരളീധരന്. 10 ദിവസത്തെ ഒമാന്– യുഎസ് സന്ദര്ശനം പൂര്ത്തിയാക്കിയാണു മുരളീധരന് ഡല്ഹിയിലേക്ക് എത്തുന്നത്. നിറവേറ്റിയ ഔദ്യോഗിക ഉത്തരവാദിത്തങ്ങൾ അടക്കമുള്ള കാര്യങ്ങൾ ഉൾപ്പെടുത്തിയാണു മുരളീധരന്റെ പ്രോഗ്രസ് റിപ്പോര്ട്ട്.
പ്രോഗ്രസ് റിപ്പോർട്ടിലെ പ്രധാന കാര്യങ്ങൾ
∙ ഒമാൻ വിദേശകാര്യമന്ത്രിയുമായി ഇന്ത്യ – ഒമാൻ വാണിജ്യ, വ്യാപാര ബന്ധമടക്കം വിവിധതലങ്ങളിൽ ഉഭയകക്ഷി ബന്ധം ശക്തിപ്പെടുത്തുന്നതിനുള്ള ചർച്ചകൾ.
∙ വാർത്താ, വിവര കൈമാറ്റത്തിന് ഇന്ത്യ – ഒമാൻ സഹകരണ കരാർ ഒപ്പുവച്ചു.
∙ റുപെ ഡെബിറ്റ് കാർഡ് പുറത്തിറക്കുന്നതിന് സെൻട്രൽ ബാങ്ക് ഓഫ് ഒമാനും എൻപിസിഐയും തമ്മിൽ ധാരണപത്രത്തിൽ ഒപ്പിട്ടു.
∙ ഇന്ത്യൻ തൊഴിലാളികളുമായുള്ള കൂടിക്കാഴ്ച. വിമാന ടിക്കറ്റ് നിരക്ക് അടക്കം അവരുടെ പ്രധാന പരാതികൾ കേട്ടു.
∙ ഇന്ത്യൻ എംബസിയുടെ ലൈബ്രറിയുടെ ഉദ്ഘാടനം നിർവഹിച്ചു (രണ്ടു ദിവസത്തിനിടെ ഒമാനിൽ 20 പരിപാടികൾ)
∙ ന്യൂയോർക്കിൽ യുഎൻ രക്ഷാസമിതിയിൽ ‘ആഫ്രിക്കയിലെ സമാധാനവും സുരക്ഷയും, ഭീകരവാദികളുടെ സാമ്പത്തിക സ്രോതസ്സ് തടയൽ’ എന്ന വിഷയത്തിൽ ഇന്ത്യൻ നിലപാട് വ്യക്തമാക്കി സംസാരിച്ചു.
∙ ഐക്യരാഷ്ട്ര സംഘടനയുടെ പൊതുസഭാ പ്രസിഡന്റ് ചാബാ കൊറോസിയുമായി കൂടിക്കാഴ്ച. രാജ്യാന്തര സമവായങ്ങളിൽ ഇന്ത്യൻ നിലപാട് അറിയിച്ചു.
∙ ഇന്ത്യ – യുഎൻഡിപി അഞ്ചാം വാർഷികാഘോഷത്തിൽ മുഖ്യപ്രഭാഷണം. കോവിഡാനന്തര ലോകത്തെക്കുറിച്ചുള്ള ഇന്ത്യൻ കാഴ്ചപ്പാടുകൾ വ്യക്തമാക്കി.
∙ അറ്റ്ലാന്റയിൽ ഇന്ത്യൻ സമൂഹവുമായി കൂടിക്കാഴ്ച. അടുത്ത വർഷം നടക്കുന്ന പ്രവാസി ഭാരതീയ ദിവസ് വിജയകരമാക്കാൻ പിന്തുണ അഭ്യർഥിച്ചു.
