കൊച്ചി> കേരളത്തിൽനിന്ന്‌ പ്രധാനപ്പെട്ട കോൺഗ്രസ് നേതാക്കളാരും ബിജെപിയിലേക്ക്‌ പോയിട്ടില്ലെന്ന്‌ പ്രതിപക്ഷനേതാവ്‌ വി ഡി സതീശൻ. ബിജെപി കോൺഗ്രസിനെ ചൊറിയാൻ വന്നാൽ ശക്തമായ തിരിച്ചടി കിട്ടുമെന്നും സതീശൻ വാർത്താസമ്മേളനത്തിൽ പറഞ്ഞു. തൃക്കാക്കര തെരഞ്ഞെടുപ്പുകാലത്ത് പലരെയും കാലുമാറ്റാൻ സിപിഐ എം ശ്രമിച്ചു. പക്ഷേ, ഒന്നും നടന്നില്ല. സിഎഎ കേരളത്തിൽ നടപ്പാക്കില്ലെന്ന് മുഖ്യമന്ത്രി പറയുന്നത് ജനങ്ങളെ കബളിപ്പിക്കലാണെന്നും സതീശൻ പറഞ്ഞു.
