തിരുവനന്തപുരം: നഗരസഭയുടെ 2022-23 ബജറ്റിലേക്ക് പൊതുജനങ്ങളില് നിന്നും നിര്ദേശങ്ങള് തേടി മേയര് ആര്യ രാജേന്ദ്രന്. സമൂഹമാധ്യമത്തിലൂടെയാണ് മേയർ അഭിപ്രായം തേടിയത്. പോസ്റ്റിന്റെ പൂർണ രൂപം താഴെ.
2022- 23 ലെ തിരുവനന്തപുരം നഗരസഭ ബഡ്ജറ്റിലേക്ക് പൊതുജനങ്ങളിൽ നിന്നും നിർദ്ദേശങ്ങൾ സ്വീകരിക്കുന്നു. ” എന്റെ നഗരത്തിൽ ഇനിയെന്തൊക്കെ വേണം !!! ” എന്ന് ഓരോ നഗരവാസികൾക്കും വിവിധ ആവശ്യങ്ങൾക്ക് നഗരത്തിലെത്തുന്ന മറ്റ് അതിഥികൾക്കും പറയാം. പ്രായോഗികതയും ആവശ്യകതയും പരിഗണിച്ച് നിർദ്ദേശങ്ങൾ ബഡ്ജറ്റിന്റെ ഭാഗമാക്കും. ഇതോടൊപ്പമുള്ള ഇമെയിൽ വിലാസത്തിൽ നിർദ്ദേശങ്ങൾ അയച്ച് തന്ന് നമ്മുടെ നഗരവികസനത്തിൽ പങ്കാളികളാകണമെന്ന് എല്ലാവരോടും വിനയപൂർവ്വം അഭ്യർത്ഥിക്കുന്നു. ഇ-മെയിൽ [email protected]
