കൊട്ടിയം : പുതുവർഷം പുലരുംമുൻപേ നടന്ന വാഹനാപകടത്തിൽ സ്കൂട്ടർ യാത്രികനായ യുവാവിന് ജീവൻ തിരികെക്കിട്ടിയത് തലനാരിഴയ്ക്ക്. സ്വകാര്യ ബസിനടിയിൽപ്പെട്ടയാൾ നിസ്സാരപരിക്കുകളോടെ രക്ഷപ്പെട്ടു. ശനിയാഴ്ച പുലർച്ചെ ആറരയോടെ കൂനമ്പായിക്കുളത്തിനടുത്തായിരുന്നു അപകടം. കൊല്ലം ഭാഗത്തേക്ക് യാത്രക്കാരുമായി വരികയായിരുന്ന സ്വകാര്യ ബസിനടിയിലേക്ക് സ്കൂട്ടർ ഇടിച്ചുകയറുകയായിരുന്നു. മുള്ളുവിളഭാഗത്തുനിന്ന് കൂനമ്പായിക്കുളത്തേക്ക് പോകുകയായിരുന്നു സ്കൂട്ടർ. അയത്തിൽ സ്വദേശിയായ യുവാവാണ് നിസ്സാരപരിക്കുകളോടെ രക്ഷപ്പെട്ടത്.
