ആലുവ> ആലുവ നഗരമധ്യത്തില്‍ യുവാവിനെ തട്ടിക്കൊണ്ട് പോയി. തിരക്കേറിയ കെ.എസ്.ആര്‍.ടി ബസ് സ്റ്റാന്റിനും റെയില്‍വെ സ്‌റ്റേഷനുമിടയില്‍ വച്ചാണ് കാറിലെത്തിയ സംഘം യുവാവിനെ തട്ടിക്കൊണ്ട് പോയത്. ഇന്ന് രാവിലെ 7.00 മണി യോടെയാണ് സംഭവം. റോഡരികില്‍ അരമണിക്കൂറോളം നിര്‍ത്തിയിട്ട കാര്‍ സമീപത്തെ ഹോട്ടലില്‍ നിന്ന് ഭക്ഷണം കഴിച്ചിറങ്ങിയ ആളെയാണ് ബലമായി പിടിച്ച് കയറ്റി കൊണ്ടുപോയത്.സംഭവം കണ്ട് ഓട്ടോ ഡ്രൈവര്‍മാര്‍ വിവരമറിയിച്ചതനുസരിച്ച് പൊലീസ് സ്ഥലത്തെത്തി. ഒരാളെ ബലമായി വാഹനത്തില്‍ തള്ളി കയറ്റുന്നതാണ് ഓട്ടോ തൊഴിലാളികള്‍ കണ്ടത്. കഴിഞ്ഞ ദിവസം ഇതേ സ്ഥലത്ത് നിന്നിതന്നെ മറ്റൊരാളെ തട്ടികൊണ്ട് പോയിരുന്നു. ഇയാളെ ആലപ്പുഴയില്‍ ഉപേക്ഷിച്ച നിലയില്‍ കണ്ടെത്തുകയും ചെയ്തു.
