ബോളിവുഡ് താരം കത്രീന കൈഫും തെന്നിന്ത്യന് താരം മക്കള് സെല്വന് വിജയ് സേതുപതിയും ആദ്യമായി ഒന്നിക്കുന്നു. ‘ഏക് ഹൈസ്നാ തി’, ‘ബദ്ലാപൂര്’, ‘അന്ധാദുന്’ തുടങ്ങിയ ഹിറ്റ് ചിത്രങ്ങളുടെ സംവിധായകനായ ശ്രീറാം രാഘവന്റെ അടുത്ത ത്രില്ലര് ചിത്രമായ ‘മെറി ക്രിസ്മസ്’ എന്ന ചിത്രത്തിലാണ് ഇരു താരങ്ങളും ഒന്നിക്കുന്നത്. മാച്ച്ബോക്സ് പിക്ചേഴ്സിന്റെ ബാനറില് രമേഷ് തൗരാണി, സഞ്ജയ് റൗത്രയ് എന്നിവര് ചേര്ന്നാണ് ചിത്രത്തിന്റെ നിര്മാണം. വാര്ത്ത ട്വിറ്ററില് കുറിച്ച മാച്ച്ബോക്സ് പിക്ചേഴ്സ് അഭിനേതാക്കളും നിര്മാതാക്കളും സംവിധായകനുമൊത്തുള്ള ചിത്രവും പങ്കുവച്ചു.നടന് വിക്കി കൗശലുമായി വിവാഹം കഴിഞ്ഞ ശേഷമുള്ള കത്രീനയുടെ ആദ്യ സിനിമ പ്രഖ്യാപനമാണിത്. ചിത്രത്തിന്റെ ആദ്യ ഷെഡ്യൂള് മുംബൈയിലാണ് ചിത്രീകരിക്കുക. അടുത്ത വര്ഷം ഡിസംബര് 23ന് ക്രിസ്മസ് റിലീസായി ചിത്രം തിയേറ്ററുകളിലേക്ക് എത്തുമെന്നാണ് പ്രഖ്യാപനം.
