കോഴിക്കോട്∙ സ്കൂട്ടർ ഇടിച്ച് പരുക്കേറ്റ് ആശുപത്രിയിൽ ചികിത്സയിലായിരുന്ന എൻസിപി നേതാവ് മരിച്ചു. തിക്കോടി പാലൂർ കാട്ടു വയലിൽ നാണു (71) ആണ് കോഴിക്കോട് സ്വകാര്യ ആശുപത്രിയിൽ മരിച്ചത്. സംസ്കാരം വ്യാഴാഴ്ച ഉച്ചയ്ക്ക് 12ന് നടക്കും. എൻസിപി മണ്ഡലം വൈസ് പ്രസിഡന്റും പതിറ്റാണ്ടുകളായി ടൗണിലെ വ്യാപാരിയുമാണ് നാണു.
ചൊവ്വാഴ്ച രാത്രി 9 മണിയോടെയാണ് അപകടം. അടിപ്പാത കർമസമിതി യോഗം കഴിഞ്ഞ് വീട്ടിലേക്കു നടന്നുപോകുന്നതിനിടെ വടകര ഭാഗത്തുനിന്നു വന്ന സ്കൂട്ടർ ഇടിച്ചു തെറിപ്പിക്കുകയായിരുന്നു. തലയ്ക്ക് ഗുരുതരമായി പരുക്കേറ്റ നാണുവിനെ ഉടൻ ആശുപത്രിയിൽ എത്തിച്ചെങ്കിലും രക്ഷിക്കാനായില്ല. ഭാര്യ: പുഷ്പ. മക്കൾ: നിധിലേഷ്, നിതേഷ്, നീതു.
