തിരുവനന്തപുരം∙ വനംവകുപ്പ് പിആർഒ ആയി സി.എഫ്.ദിലീപ്കുമാര്‍ ചുമതലയേറ്റു. കൊല്ലം ജില്ലാ ഇന്‍ഫര്‍മേഷന്‍ ഓഫിസറായി പ്രവർത്തിക്കുകയായിരുന്നു. 2021 സെപ്റ്റംബർ മുതൽ 2022 ജൂൺ വരെ വനം വകുപ്പ് ഫോറസ്ട്രി ഇന്‍ഫര്‍മേഷന്‍ ബ്യൂറോയില്‍ പബ്ലിക്ക് റിലേഷന്‍സ് ഓഫിസറായിരുന്നു.2017 മുതല്‍ നാലര വര്‍ഷത്തോളം തൊഴിലും നൈപുണ്യവും വകുപ്പിന്റെ ലേബര്‍ കമ്മിഷണറേറ്റില്‍ ലേബര്‍ പബ്ലിസിറ്റി ഓഫിസര്‍, 2012ല്‍ സെക്രട്ടേറിയറ്റ് പിആര്‍ഡി പ്രസ് റിലീസ് വിഭാഗത്തില്‍ അസിസ്റ്റന്റ് ഇന്‍ഫര്‍മേഷന്‍ ഓഫിസര്‍, 2014ല്‍ പ്രസ് റിലീസ് വിഭാഗം അസിസ്റ്റന്റ് എഡിറ്റര്‍, 2015ല്‍ സര്‍ക്കാര്‍ പ്രസിദ്ധീകരണമായ ജനപഥത്തിന്റെ അസിസ്റ്റന്റ് എഡിറ്റര്‍, 2016ല്‍ തിരുവനന്തപുരം ജില്ലാ കലക്ടറേറ്റിലെ പിആര്‍ഡി വിഭാഗം അസിസ്റ്റന്റ് എഡിറ്റര്‍ എന്നീ നിലകളിലും പ്രവര്‍ത്തിച്ചിട്ടുണ്ട്.
തൊഴില്‍ വകുപ്പിലെ മികച്ച പ്രവര്‍ത്തനത്തിന് സംസ്ഥാന സര്‍ക്കാരില്‍ നിന്നും ‘ഗുഡ് സര്‍വീസ് എന്‍ട്രി’യും ലേബര്‍ കമ്മിഷണറില്‍ നിന്നും ‘സദ് സേവന രേഖ’യും ലഭിച്ചു .വനം വകുപ്പില്‍ നിന്നും പ്രശംസാ പത്രവും ലഭിച്ചിട്ടുണ്ട്. കൊല്ലം സ്വദേശിയാണ്.നിലവില്‍ വനം വകുപ്പ് ഫോറസ്ട്രി ഇന്‍ഫര്‍മേഷന്‍ ബ്യൂറോയില്‍ പബ്ലിക്ക് റിലേഷന്‍സ് ഓഫിസറായിരുന്ന എസ്.എസ്.അരുണിനെ ഓഡിയോ വിഡിയോ ഡോക്കുമെൻന്റേഷൻ ഇൻഫർമേഷൻ ഓഫിസർ ആയി സ്ഥലം മാറ്റിയ ഒഴിവിലാണ് സി.എഫ്.ദിലീപ്കുമാര്‍ ചുമതലയേറ്റത്.
