മുംബൈ: ബോളിവുഡ് സിനിമാ ലോകത്തെ ഞെട്ടിച്ച് നടി കങ്കണ റനാവത്തിന്റെ പുതിയ വെളിപ്പെടുത്തല്. പേര് പറയാത്ത രണ്ട് സൂപ്പര് താരങ്ങള്ക്കെതിരെയാണ് നടി രംഗത്ത് വന്നത്. ബോളിവുഡിലെ ഫിലിം മാഫിയ ഒരു ക്രിമിനല് റാക്കറ്റ് പ്രവര്ത്തിക്കുന്നുണ്ടെന്ന് ഇന്നാണ് അറിയാന് കഴിഞ്ഞത്. എന്റെ പേരിലുള്ള അക്കൗണ്ടുകളാണ് അവര് ഹാക്ക് ചെയ്യുന്നത്. ഇതിന് പിന്നിലുള്ള വ്യക്തിയുമായി എനിക്ക് യാതൊരു ബന്ധവുമില്ല.ആ താരത്തെ പോലെ ഓണ്ലൈന് മാനേജര്മാരുമില്ല. ഇതെല്ലാം ഒരു ഗ്യാംഗാണ്. ഈ താരത്തിന്റെ ചിത്രം അവധി ദിനത്തില് റിലീസ് ചെയ്താല് പോലും എന്റെ മണികര്ണിക എന്ന ചിത്രത്തിന്റെ ആദ്യ ദിന കളക്ഷന്റെ അടുത്തെത്തില്ല. തന്റെ ചിത്രം പരാജയമാണെന്ന് അവര് പറഞ്ഞ് നടക്കുന്നുണ്ട്. എന്നാല് അവരുടെ തട്ടിപ്പിന് ഇരയാവാതെ നോക്കണമെന്നും കങ്കണ പറഞ്ഞു.
