ഒഞ്ചിയം : ഓർക്കാട്ടേരി മണപ്പുറത്തെ പുതിയെടുത്ത് കുളത്തിന് സമീപമുണ്ടായ ബോംബ് സ്ഫോടനത്തിൽ ആർഎസ്എസ് പ്രവർത്തകന് ഗുരുതര പരിക്കേറ്റ സംഭവം സമഗ്രമായി അന്വേഷിക്കണമെന്ന് സിപിഐ എം ഓർക്കാട്ടേരി ലോക്കൽ കമ്മിറ്റി പ്രസ്താവനയിൽ ആവശ്യപ്പെട്ടു. സ്ഫോടനത്തിൽ ആർഎസ്എസ് പ്രവർത്തകനായ പുളിയുള്ളതിൽ പ്രവീണിന്റെ കൈപ്പത്തി തകരുകയും കാലിന് ഗുരുതര പരിക്കേൽക്കുകയും ചെയ്‌തു. ഇയാൾ കോഴിക്കോട് സ്വകാര്യ ആശുപത്രിയിൽ ചികിത്സയിലാണ്. പ്രദേശത്തെ സമാധാനാന്തരീക്ഷം തകർക്കാനുള്ള ആസൂത്രിത നീക്കത്തിന്റെ ഭാഗമായി സംഘപരിവാർ ശക്തികൾ ആയുധസംഭരണം നടത്തുന്നതായി സംശയിക്കുന്നു. ഇതിനെതിരെ ജാഗ്രത പുലർത്തണമെന്ന് ആവശ്യപ്പെട്ടു.
