കൊച്ചി : കൺസ്യൂമേഴ്സ് ഫെഡറേഷൻ ഓഫ് കേരളയുടെ പതിനൊന്നാം സംസ്ഥാന സമ്മേളനം മാർച്ച് 26, 27 തീയതികളിൽ എറണാകുളം സൗത്തിൽ ഉള്ള അധ്യാപകഭവനിൽ നടക്കും.26നു ഉച്ചകഴിഞ്ഞു 3നു പതാക ഉയർത്തലും തുടർന്ന് സംസ്ഥാന കൗൺസിൽ യോഗവും ചേരും.സംസ്ഥാന വൈസ് ചെയർമാൻ കുരുവിള മാത്യൂസ് അധ്യക്ഷത വഹിക്കും.ചെയർമാൻ കെ. ജി. വിജയകുമാരൻ നായർ ഉത്ഘാടനം ചെയ്യും. 27നു ഞായറാഴ്ച 11നു നടക്കുന്ന പൊതു സമ്മേളനം പ്രതിപക്ഷ നേതാവ് വി.ഡി.സതീശൻ ഉത്ഘാടനം ചെയ്യും. കുരുവിള മാത്യൂസ് അധ്യക്ഷത വഹിക്കുന്ന സമ്മേളനത്തിൽ ജി സി ഡി എ ചെയർമാൻ കെ ചന്ദ്രൻപിള്ള മുഖ്യാഥിതി ആയിരിക്കും.തുടർന്ന് നടക്കുന്ന ഉപഭോക്തൃ സെമിനാർ ടി. ജെ. വിനോദ് എം എൽ എ ഉത്ഘാടനം ചെയ്യും.
മുൻ എം എൽ എയും സിഎഫ്കെ രക്ഷാധികാരിയുമായ ടി.വി ചന്ദ്രമോഹൻ മുഖ്യ പ്രഭാക്ഷണം നടത്തും. ഉച്ചകഴിഞ്ഞു 2നു പ്രതിനിധി സമ്മേളനവും, സംസ്ഥാന ഭരണ സമിതി തിരഞ്ഞെടുപ്പും നടക്കും. സമ്മേളനത്തിൽ രാഷ്ട്രീയ, സാമൂഹ്യ, സാംസ്കാരിക രംഗത്തെ പ്രമുഖരും സി. എഫ്. കെ. സംസ്ഥാന, ജില്ലാ നേതാക്കളും പങ്കെടുക്കുമെന്ന് സംസ്ഥാന ചെയർമാൻ വിജയകുമാരൻ നായർ ജനറൽ സെക്രട്ടറി എ എം സൈദ് എന്നിവർ പറഞ്ഞു.
