തമിഴ് ചലച്ചിത്രനിര്‍മ്മാണ സ്ഥാപനമായ അഭിഷേക് ഫിലിംസ് ആദ്യമായി മലയാളത്തില്‍ ഒരുക്കുന്ന ചിത്രം ‘എതിരെ’ ചിത്രീകരണം ഡിസംബര്‍ 24ന് തൊടുപുഴയില്‍ ആരംഭിച്ചു. തൊടുപുഴയിലെ ചന്ദ്രപ്പള്ളില്‍ കോട്ടക്കവല ദേവീക്ഷേത്രത്തില്‍ വച്ചുനടന്ന ചടങ്ങിലൂടെയായിരുന്നു ചിത്രീകരണത്തിന്റെ തുടക്കം. ചലച്ചിത്ര പ്രവര്‍ത്തകര്‍, അണിയറ പ്രവര്‍ത്തകര്‍, ബന്ധുമിത്രാദികള്‍ എന്നിവരും നടി ശാന്തികൃഷ്ണ ഭദ്രദീപം തെളിയിച്ചു. തുടര്‍ന്ന് ജോബി, വിജയ് നെല്ലീസ് എന്നിവര്‍ ചടങ്ങ് പൂര്‍ത്തിയാക്കി. നിര്‍മ്മാതാവ് രമേഷ് പിള്ള സ്വിച്ചോണ്‍ കര്‍മ്മവും മണിയന്‍ പിള്ള രാജു ചേര്‍ന്നാണ് ഫസ്റ്റ് ക്ലാപ്പ് നല്‍കിയത്. ചിത്രത്തിന്റെ സംവിധായകന്‍ സന്ധ്യമോഹന്‍, തിരക്കഥാകൃത്ത്, നിഷാദ് കോയ, നടന്‍ ജയകൃഷ്ണന്‍ തുടങ്ങിയവരും ചടങ്ങില്‍ പങ്കെടുത്തു. റഹ്‌മാന്‍ ചിത്രത്തില്‍ പ്രധാന വേഷം ചെയുന്നു.
ഗോകുല്‍ സുരേഷ് ഗോപി, നമിതാ പ്രമോദ്, വിജയ് നെല്ലീസ്, മണിയന്‍ പിള്ള രാജു, ശാന്തികൃഷ്ണ, കലാഭവന്‍ ഷാജോണ്‍, ഡോ. റോണി, ഇന്ദ്രന്‍സ്, കോട്ടയം രമേഷ്, ദേവി അജിത്ത്, രതിഷ്‌കൃഷ്ണാ, അംബികാ മോഹന്‍ തമ്പിക്കുട്ടി കുര്യന്‍, മച്ചാന്‍ സലിം എന്നിവരും മറ്റു പ്രധാന കഥാപാത്രങ്ങളെ അവതരിപ്പിക്കുന്നു. ‘ഓര്‍ഡിനറി’, ‘മധുര നാരങ്ങാ’, ‘തോപ്പില്‍ ജോപ്പന്‍’, ‘ശിക്കാരി ശംഭു’, ‘പോളിടെക്‌നിക്ക്’ തുടങ്ങിയ സിനിമകള്‍ക്ക് തിരക്കഥ രചിച്ച നിഷാദ് കോയയാണ് ചിത്രത്തില്‍ സുപ്രധാനമായ ഒരു കഥാപാത്രത്തെ അവതരിപ്പിച്ചു കൊണ്ട് അഭിനയരംഗത്തേക്കു കടന്നു വരുന്നത്.
