തിരുവനന്തപുരം: മലയാള സിനിമയുടെ മുഖച്ഛായ മാറ്റിയ ക്ലാസിക് ചിത്രങ്ങളുടെ നിര്മ്മാതാവായിരുന്നു ഗാന്ധിമതി ബാലനെന്ന് പ്രതിപക്ഷ നേതാവ് വി.ഡി സതീശൻ. സിനിമയുടെ വാണിജ്യ വിജയം മാത്രം ലക്ഷ്യമിടാതെ കലാമൂല്യത്തിന് കൂടി വില കല്പ്പിച്ച സിനിമാ പ്രവര്ത്തകന്. അനശ്വര സംവിധായകന് പത്മരാജന് കരുത്തായി നിന്നയാള് എന്ന വിശേഷണം ഗാന്ധിമതി ബാലന് അവകാശപ്പെടാമെന്നും അനുശോചന സന്ദേശത്തിൽ വി.ഡി സതീശൻ പറഞ്ഞു.
തൂവാനതുമ്പികളും മൂന്നാം പക്കവുമൊക്കെ കാലാവതിവര്ത്തിയായി നില്ക്കുമ്പോള് അതിനൊപ്പം ഗാന്ധിമതി ഫിലിംസ് എന്ന പേരുകൂടി മലയാള സിനിമാ ചരിത്രത്തിന്റെ ഭാഗമായി. കെ.ജി ജോര്ജ്, വേണു നാഗവള്ളി തുടങ്ങി നിരവധി സംവിധായകരുടെ അനശ്വര ചിത്രങ്ങളുടെ പിന്നണിയിലും ബാലനായിരുന്നു. തിരുവനന്തപുരത്തിന്റെ സാഹിത്യ സാംസ്കാരിക സാമൂഹിക മേഖലകളിലും ഗാന്ധിമതി ബാലന് നിറസാനിധ്യമായിരുന്നു. കുടുംബാംഗങ്ങളുടെയും സുഹൃത്തുക്കളുടെയും ദുഖത്തില്പങ്ക്ചേരുന്നതായും അദ്ദേഹം അറിയിച്ചു.