ദുബൈ : ചലച്ചിത്ര നടന് ലാലു അലക്സ് യുഎഇ ഗോള്ഡന് വിസ സ്വീകരിച്ചു. ദുബൈ എമിഗ്രേഷന് ഉദ്യോഗസ്ഥന് മുഹമ്മദ് അല് റാഷിദില് നിന്ന് അദ്ദേഹം ഗോള്ഡന് വിസ ഏറ്റുവാങ്ങി. യുഎഇയുടെ ബഹുമതി സ്വീകരിക്കാന് സാധിച്ചതില് അഭിമാനമുണ്ടെന്ന് അദ്ദേഹം പറഞ്ഞു. ഈ നേട്ടത്തില് ലഫ്. കേണല് മുഹമ്മദ് അല് റാഷിദ് നയീം മൂസ, ജേക്കബ് മാത്യൂ എന്നിവരോട് നന്ദി അറിയിക്കുന്നതായും അദ്ദേഹം സാമൂഹിക മാധ്യമങ്ങളില് കുറിച്ചു. വ്യത്യസ്ത മേഖലകളില് കഴിവ് തെളിയിച്ചവര്ക്ക് യുഎഇ സര്ക്കാര് നല്കുന്നതാണ് ദീര്ഘകാലത്തേക്കുള്ള ഗോള്ഡന് വിസ. മലയാള സിനിമയില് നിന്ന് നിരവധി അഭിനേതാക്കള്ക്ക് ഗോള്ഡന് വിസ ലഭിച്ചിരുന്നു.
