കോട്ടയം: ചങ്ങനാശേരി മാടപ്പള്ളിയിൽ സിൽവർ ലൈൻ സമരസമിതി പ്രവർത്തകരെ പൊലീസ് മർദിച്ചതിൽ പ്രതിഷേധിച്ച് നടത്തുന്ന ഹർത്താൽ സമാധാനപരം. ബാങ്കുകൾ അടക്കം ഏതാനും സ്ഥാപനങ്ങൾ അടപ്പിച്ചു. ദീർഘദൂര ബസുകൾ തടസമില്ലാതെ കടന്നു പോകുന്നു.
രാവിലെ പ്രതിപക്ഷ സംഘടനകളും സമര സമിതിയും പ്രതിഷേധ പ്രകടനം നടത്തി. സമരക്കാരും പൊലീസും തമ്മിൽ ചങ്ങനാശേരിയിൽ ഉന്തും തള്ളും ഉണ്ടായി. ഉച്ചയോടെ പ്രതിപക്ഷ നേതാവ് വി.ഡി.സതീശന്റെ നേതൃത്വത്തിൽ നേതാക്കൾ ചങ്ങനാശേരിയിൽ എത്തും. പരുക്കേറ്റ സമരസമിതി പ്രവർത്തകരെ സന്ദർശിക്കും. കല്ലിട്ട സ്ഥലങ്ങളും സംഘം സന്ദർശിക്കും. അതിനിടെ, ഇന്നലെ മാടപ്പള്ളിയിൽ ഉദ്യോഗസ്ഥർ സ്ഥാപിച്ച സിൽവർ ലൈൻ കല്ല് രാത്രി ആരോ പിഴുതുമാറ്റി. സർവേ കല്ലുകളില്‍ മൂന്നെണ്ണമാണ് പിഴുതുമാറ്റിയത്.
