പൊന്നാനി: പ്രായപൂർത്തിയാവാത്ത വിദ്യാർഥിനിയെ പീഡിപ്പിച്ച കേസിൽ യുവാവിനെ പൊന്നാനി പോലീസ് അറസ്റ്റ് ചെയ്‌തു. പോക്‌സോ പ്രകാരമാണ് യുവാവിനെ അറസ്റ്റ് ചെയ്‌തത്. പൊന്നാനി മരക്കടവ് സ്വദേശി മൂസാന്റെ പുരക്കൽ നൗഫൽ (32) ആണ് അറസ്റ്റിലായത്.
ഒന്നര വർഷം മുമ്പ് പൊന്നാനി താലൂക്കിലെ സ്‌കൂളിലെ കലോത്സവ ദിവസം മുഖം കഴുകാനായി എത്തിയ പെൺകുട്ടിയെ ബാത്ത് റൂമിൽ ഒളിഞ്ഞിരുന്ന പ്രതി പീഡിപ്പിക്കുകയായിരുന്നു. മാനസികമായി തകർന്ന കുട്ടിയെ സ്‌കൂൾ അധികൃതർ കൗൺസലിങ്ങിന് വിധേയമാക്കിയപ്പോഴാണ് സംഭവം പുറത്തറിഞ്ഞത്. തുടർന്ന് സ്‌കൂൾ അധികൃതർ പോലീസിൽ വിവരമറിയിച്ചു. പോലീസ് മരക്കടവ് നിന്നാണ് പ്രതിയെ പിടികൂടിയത്. പ്രതിയെ കോടതിയിൽ ഹാജരാക്കി റിമാൻഡ്‌ ചെയ്‌തു.
