തിരുവനന്തപുരം : പടിഞ്ഞാറന് ആഫ്രിക്കന് രാജ്യമായ ഗിനിയില് കുടുങ്ങിയ മലയാളികള് അടക്കമുള്ളവരുടെ മോചനത്തിനായി മുഖ്യമന്ത്രിയുടെ ഇടപെടല്. തടവിലായവരെ മോചിപ്പിക്കാന് ഇടപെടണമെന്ന് ആവശ്യപ്പെട്ട് മുഖ്യമന്ത്രി പിണറായി വിജയന് പ്രധാനമന്ത്രിക്ക് കത്തയച്ചു. തടവിലായവരുടെ മോചനത്തിനായി ഇടപെടാന് നയതന്ത്ര ഉദ്യോഗസ്ഥര്ക്ക് നിര്ദേശം നല്കാനും മുഖ്യമന്ത്രി അഭ്യര്ത്ഥിച്ചു.
അതേസമയം, ഗിനി നാവികസേന കസ്റ്റഡിയിലെടുത്ത കപ്പലില് നിന്ന് പുറത്തെത്തിച്ച 15 കപ്പല് ജീവനക്കാരെയും തടവുകേന്ദ്രത്തിലേക്ക് മാറ്റിയതായിട്ടാണ് വിവരം. ഇവരെ മുന്പ് താമസിപ്പിച്ച ഹോട്ടലിലേക്കു തിരികെയെത്തിച്ചെന്നായിരുന്നു ആദ്യ വിവരം. എന്നാല്, കപ്പലില്നിന്ന് പുറത്തെത്തിച്ച സംഘത്തെ ഒരു മുറിയില് പൂട്ടിയിട്ടിരിക്കുകയാണെന്ന് മലയാളിയായ കൊല്ലം സ്വദേശി വിജിത് വി നായര് പറഞ്ഞു. മുറിക്കു പുറത്ത് സൈനികര് കാവല് നില്ക്കുന്നുണ്ടെന്നും അദ്ദേഹം വ്യക്തമാക്കി.
