തിരുവനന്തപുരം: വിദ്യാർഥി കൺസഷൻ സർക്കാർ നൽകുന്ന ഔദാര്യമല്ലെന്ന് കെഎസ്‌യു സംസ്ഥാന പ്രസിഡന്റ് കെ.എം.അഭിജിത്ത്. കൺസഷൻ കൊടുത്തു ബസ് യാത്ര ചെയ്യുന്ന വിദ്യാർഥികളെ ഗതാഗതമന്ത്രി ആന്റണി രാജു അപമാനിച്ചെന്നു വിവാദം ഉയരുന്നതിനിടെയാണ് അഭിജിത്തിന്റെ പ്രതികരണം. ‘കൺസഷൻ കൊടുത്ത് ബസുകളിൽ യാത്ര ചെയ്യുന്നത് വിദ്യാർഥികൾക്ക് തന്നെ അപമാനമാണെന്ന മന്ത്രി ആന്റണി രാജുവിന്റെ പ്രസ്താവന പിൻവലിക്കണം.’- അഭിജിത്ത് പറഞ്ഞു. മന്ത്രി മാളികയിൽ താമസിക്കുന്ന ആന്റണി രാജു പാവപ്പെട്ടവനെ മറന്നെന്നും അഭിജിത്ത് ഫെയ്സ്ബുക്കില്‍ കുറിച്ചു.
