വെള്ളംവാങ്ങി തിരികെ കയറുന്നതിനിടെ ട്രെയിനിൽനിന്നു വീണു; യാത്രക്കാരന് ഗുരുതര പരുക്ക്

കോട്ടയം: കോട്ടയം റെയിൽവേ സ്റ്റേഷനിൽ ട്രെയിനിൽ നിന്നു വീണ യാത്രക്കാരന് ഗുരുതര പരുക്ക്. തിരുവനന്തപുരം മണികണ്ഠേശ്വരം ശ്രീനഗർ കൃഷ്ണകൃപയിൽ ടിസി 4/432 വി.എം. നായരാണ് വീണു ഗുരുതരമായി പരുക്കേറ്റത്. വെള്ളം വാങ്ങാനിറങ്ങി തിരികെ കയറുന്നതിനിടെ പരശുറാം എക്സ്പ്രസിൽ നിന്ന് വീണു എന്നാണ് പ്രാഥമിക വിവരം. പരുക്കേറ്റ വി.എം.നായരെ മെഡിക്കൽ കോളജ് ആശുപത്രിയിലേക്ക് മാറ്റി.