വാരാണസി : പാലിനും പാല് ഉല്പന്നങ്ങള്ക്കും ഗുണനിലവാര നിര്ണയം ഉറപ്പാക്കുന്ന ഏകീകൃത സംവിധാനം നിലവില് വന്നു. ഇതിന്റെ ലോഗോ പ്രധാനമന്ത്രി നരേന്ദ്ര മോദി അവതരിപ്പിച്ചു. നാഷനല് ഡെയറി ഡവലപ്മെന്റ് ബോര്ഡിന്റെ (എന്ഡിഡിബി) സഹകരണത്തോടെ ബ്യൂറോ ഓഫ് ഇന്ത്യന് സ്റ്റാന്ഡേഡ്സാണ് (ബിഐഎസ്) ലോഗോ വികസിപ്പിച്ചത്. ഗുണനിലവാര നിര്ണയ നടപടികള് ലളിതമാക്കുന്നതോടൊപ്പം ഗുണനിലവാരം ഉപഭോക്താക്കള്ക്ക് ഉറപ്പാക്കാനും സംവിധാനം സഹായിക്കും. ഉല്പന്നങ്ങള്ക്കും സംസ്കരണ രീതികള്ക്കും ബിഐഎസ്സും എന്ഡിഡിബിയും വ്യത്യസ്ത അംഗീകാരമാണ് നല്കുന്നത്. ഇതെല്ലാം ഒരു കുടക്കീഴില് കൊണ്ടു വരുന്നതാണ് പുതിയ രീതി.
