കണ്ണൂർ: മാടായി പോർക്കലി സ്റ്റീൽസിനു മുന്നിലെ സിഐടിയു സമരം ന്യായമാണെന്ന് സിപിഎം കണ്ണൂർ ജില്ലാ സെക്രട്ടറി എം.വി.ജയരാജൻ. സിഐടിയു ആവശ്യപ്പെടുന്നത് നോക്കുകൂലിയല്ല, തൊഴിലാണെന്നും ചർച്ചയിലൂടെ തൊഴിൽ വകുപ്പ് പ്രശ്നം പരിഹരിക്കണമെന്നും ജയരാജൻ പറഞ്ഞു.കഴിഞ്ഞ 23ന് തുറന്ന ശ്രീപോർക്കലി സ്റ്റീൽ എന്ന സ്ഥാപനത്തിനു മുന്നിലാണ് സിഐടിയു കൊടികുത്തി സമരം തുടങ്ങിയത്. സാധനങ്ങളുടെ കയറ്റിറക്കു ജോലി സിഐടിയു അംഗങ്ങളായ ചുമട്ടു തൊഴിലാളികൾക്കു നൽകണമെന്നാണ് ആവശ്യം.
ആദ്യഘട്ടത്തിൽ സ്ഥാപനത്തിലെ ജോലിക്കാർ സാധനങ്ങൾ ഇറക്കിയിരുന്നെങ്കിലും പിന്നീട് സംഘടന തർക്കവുമായി എത്തുകയായിരുന്നു. ആവശ്യത്തിനു ജീവനക്കാരെ നിയമിച്ചിട്ടുണ്ട് എന്നതിനാൽ അവർ കയറ്റിറക്കു നടത്തുമെന്നാണ് ഉടമയുടെ നിലപാട്.
