കോട്ടയം> പൊലീസുകാരനെ കാണാനില്ലെന്ന് കുടുംബത്തിൻ്റെ പരാതി. കോട്ടയം വെസ്റ്റ് സ്റ്റേഷനിലെ ഗ്രേഡ് എസ്ഐ കെ രാജേഷിനെയാണ് കാണാതായത്. അയർകുന്നം നീറിക്കാട് സ്വദേശിയാണ് രാജേഷ്.
കഴിഞ്ഞ 14ന് നൈറ്റ് ഡ്യൂട്ടിക്ക് ശേഷം രാജേഷ് വീട്ടിലേക്ക് മടങ്ങി. സ്വന്തം കാറിലാണ് ഡ്യൂട്ടി കഴിഞ്ഞ് മടങ്ങിയത്. എന്നാൽ രാജേഷ് വീട്ടിലെത്തിയിട്ടില്ലെന്നാണ് കുടുംബത്തിന്റെ പരാതി. ജോലി സംബന്ധമായ മാനസിക സമ്മർദം നേരിട്ടിരുന്നതായി കുടുംബം പറയുന്നു. ഇദ്ദേഹത്തിന്റെ ഫോൺ സ്വിച്ച് ഓഫ് ആണ്.
രാജേഷിൻ്റെ കുടുംബം അയർകുന്നം പൊലീസ് സ്റ്റഷനിൽ പരാതി നൽകി. അന്വേഷണം പുരോഗമിക്കുന്നതായി പൊലീസ് അറിയിച്ചു.
