കോട്ടയം; പുതുപ്പള്ളി ഉപതെരഞ്ഞെടുപ്പിലെ വോട്ടെണ്ണൽ കേന്ദ്രമായ ബസേലിയസ് കോളേജിന് സമീപം കെ കെ റോഡിൽ വെള്ളിയാഴ്‌ച ഗതാഗത നിയന്ത്രണം ഏർപ്പെടുത്തി. രാവിലെ എട്ടു മുതൽ വോട്ടെണ്ണൽ അവസാനിക്കുന്നത് വരെ കെ കെ റോഡിൽ കഞ്ഞിക്കുഴി ഭാഗത്ത് നിന്ന്‌ വരുന്ന വാഹനങ്ങൾ കലക്‌ടറേറ്റ് ജങ്‌ഷനിൽനിന്ന്‌ തിരിഞ്ഞ് ലോഗോസ് ജങ്‌ഷൻ – ശാസ്‌ത്രി റോഡ്‌ വഴി പോകണം. മനോരമ ഭാഗത്ത് നിന്നും കലക്‌ടറേറ്റ് ഭാഗത്തേക്ക് പോകേണ്ട വാഹനങ്ങൾ മനോരമ ജങ്‌ഷനിൽനിന്ന്‌ ഈരയിൽകടവ് ജങ്‌ഷൻ വഴി പോകണം.
