റിയാദ്: സ്വീഡനില് വീണ്ടും ഖുര്ആന് കത്തിച്ചു. സ്വീഡിഷ് തലസ്ഥാനമായ സ്റ്റോക്ഹോമിലാണ് ഖുര്ആന് കത്തിക്കുകയും അവഹേളിക്കുകയും ചെയ്തത്. സംഭവത്തെ ശക്തമായി അപലപിച്ച് സൗദി അറേബ്യ രംഗത്തെത്തി.ഖുര്ആന് കോപ്പികള് കത്തിക്കാനും അവഹേളിക്കാനും ചില തീവ്രവാദികള്ക്ക് ആവര്ത്തിച്ച് അനുമതി നല്കുന്ന സ്വീഡിഷ് അധികൃതരുടെ തീരുമാനത്തെ സൗദി ശക്തമായി അപലപിക്കുകയും നിരാകരിക്കുകയും ചെയ്യുന്നതായി വിദേശകാര്യ മന്ത്രാലയം പ്രസ്താവനയില് അറിയിച്ചു. ഇതുമായി ബന്ധപ്പെട്ട് വിദേശകാര്യ മന്ത്രാലയം സൗദിയിലെ സ്വീഡിഷ് എംബസിയുടെ ഷര്ഷെ ദഫേയെ വിളിച്ചുവരുത്തി പ്രതിഷേധ കുറിപ്പ് കൈമാറി. ഖുര്ആന് പകര്പ്പ് കത്തിച്ച സംഭവത്തില് മുസ്ലിം വേള്ഡ് ലീഗും ശക്തമായ ഭാഷയില് അപലപിച്ചു.
